काठमाडौं, २ कात्तिक ।
सुनसरी, बारा र सिन्धुपाल्चोकका विभिन्न स्थानमा भएका छुट्टाछुट्टै सवारी दुर्घटनामा परी ३ जनाको मृत्यु भएको छ ।
सुनसरीमा बसले मोटरसाइकललाई ठक्कर दिदाँ मोटरसाइकल चालक उदयपुर त्रियुगा नगरपालिका-१३ घर भएका २८ वर्षीय सुजन रेग्मीको मृत्यु भएको छ । दुहवी नगरपालिका(२ स्थित सडकमा को।१ ख ५६७२ नम्बरको बसले स।७ प ७२३८ नम्बरको मोटरसाइकललाई शनिबार बिहान ठक्कर दिँदा गम्भीर घाइते भएका उनको नोबेल अस्पताल बिराटनगरमा उपचारको क्रममा मृत्यु भएको हाे ।
दुर्घटनामा घाइते भएका मोटरसाइकलमा सवार मोरङ घर भएका २८ वर्षीय किरण कठेतको सोही अस्पतालमा उपचार भइरहेको छ । बस र चालकलाई प्रहरीले नियन्त्रणमा लिएको छ ।
यस्तै बाराकाे निजगढ नगरपालिका १ सिंगौलमा ना.६ त ९६८७ नम्बरको ट्याक्टर अनियन्त्रित भई शनिबार बिहान दुर्घटना हुँदा चालक सोही ठाउँ बस्ने २६ वर्षीय दासा गुरौको घटनास्थलमै मृत्यु भएको छ । दुर्घटनामा घाइते भएका ट्याक्टरमा सवार निजगढ नगरपालिका सिगौंल बस्ने ३५ वर्षीय कृष्ण परियारको स्थानीय मेडिकलमा उपचार भइरहेको छ ।
उता, सिन्धुपाल्चोककाे मेलम्ची नगरपालिका ७ दुवाचौरमा पनि शनिबार दिउँसो बा.५ ख २९५४ नम्बरको मिनीट्रकको ठक्करबाट सोही ठाउँ बस्ने कृष्ण श्रेष्ठको १३ वर्षीय छोरा राजन श्रेष्ठको घटनास्थलमै मृत्यु भएको छ । ट्रक र चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।