सांसदले गरे जनकपुर विमानस्थलमा तोडफोड

सांसदले गरे जनकपुर विमानस्थलमा तोडफोड

  • सोमवार, अशोज २७, २०७६
  • मिर्मिरे अनलाइन

  • 4.1K
    SHARES

काठमाडौं, असोज २७ । राष्ट्रिय जनता पार्टी (राजपा) नेपालका सांसद प्रमोद साहले जनकपुर विमानस्थलमा तोडफोड गरेका छन् ।

उडान ढिला भएको भन्दै सांसद साहले सोमबार दिउँसो विमानस्थलमा अन्धाधुन्द प्रहार गरी तोडफोड गरेका हुन् ।

जनकपुरबाट काठमाडौं आउन लागेका सांसद साहले विमानस्थलका कर्मचारीमाथि दुर्व्यवहार गर्नुका साथै बुद्ध एअरको काउन्टर र भीआइपीकक्षमा तोडफोड गरेको जनकपुर विमानस्थलले जनाएको छ ।

यता, नेपाल नागरिक उड्डयन प्राधिकरणले पनि सर्लाही क्षेत्र नम्बर–१ बाट प्रतिनिधिसभामा निर्वाचित सांसद साहले विमानस्थलका कर्मचारीलाई अभद्र व्यवहार गर्दै तोडफोड गरेको रिपोर्ट प्राधिकरणमा आएको जनाएको छ ।

सांसद साहले बुद्ध एअरका जनकपुर इन्चार्जमाथि हातपातको प्रयाससमेत गरेको जनाइएको छ ।

तोडफोडको घटनापछि बुद्ध एअरले सांसद साहलाई विमानमा चढाउन अस्वीकार गरेकामा धनुषाका प्रमुख जिल्ला अधिकारीको दबाबमा उनलाई विमानमा प्रवेश दिइएको बुझिएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ