निराशा र असन्तुष्टि फैलाउने व्यक्तिहरु बिरोध गर्नमै व्यस्त : प्रधानमन्त्री

निराशा र असन्तुष्टि फैलाउने व्यक्तिहरु बिरोध गर्नमै व्यस्त : प्रधानमन्त्री

  • सोमवार, अशोज १३, २०७६
  • मिर्मिरे अनलाइन

  • 4.9K
    SHARES

ललितपुर । प्रधानमन्त्री केपी शर्मा ओलीले वाक् स्वतन्त्रताका नाममा विरोध गर्नेहरुले सरकारका राम्रा कामलाई वेवास्ता गरेको आरोप लगाएका छन् ।

सोमबार ललितपुरमा प्रदेश प्रमुख र प्रदेशका मुख्यमन्त्रीका लागि निर्माण हुन लागेको आवासीय भवन तथा सम्पर्क कार्यालयको शिलान्यास गर्दै उनले वाक् स्वतन्त्रताका नाममा विरोधको स्वर मात्र सुनिएको टिप्पणी गरे ।

प्रधानमन्त्री ओलीले निराशा र असन्तुष्टि फैलाउने केही व्यक्तिहरु बिरोध गर्नमै केन्द्रित रहे पनि सरकार आफ्ना उदेश्यमा अडिग रहेको दावी गरे ।

प्रधानमन्त्री ओलीले देशलाई मगन्तेरहित बनाउने घोषणा दोहोर्‍याउनुका साथै सडकमा कसैले बेसहारा देखेमा सरकारलाई खबर गर्न आह्वान गरे ।

उनले अबको केही महिनाभित्रै मेलम्चीको पानी जनताका घरघरमा पुर्‍याउने प्रतिबद्धता व्यक्त गरे ।

विशेष कारणवश ढिलो भए पनि आगामी वर्षभित्रै मेलम्चीको पानी काठमाडौंबासीले पिउन पाउने प्रधानमन्त्री ओलीको भनाइ थियो ।

कार्यक्रममा शहरी विकासमन्त्री मोहम्मद इस्तियाक राईले पूर्वाधार निर्माणले सरकारको कार्यसञ्चालनमा सकारात्मक प्रभाव पार्ने बताए ।

प्रदेश प्रमुख र मुख्यमन्त्रीहरुका लागि ललितपुरको भैँसेपाटीमा आवास भवन तथा सम्पर्क कार्यालय निर्माण गर्न लागिएको हो ।

२७ रोपनी १२ आना क्षेत्रफलमा फैलिएको सरकारी जग्गामा प्रत्येक प्रदेशका लागी छुट्टाछ्ट्टै दुई भवन निर्माण गरिनेछ ।

२५ जना क्षमताको सभा हल, ध्यान कक्ष योगा कक्षसहितको आवास दुई वर्षमा निर्माण सम्पन्न गर्ने लक्ष्य लिइएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ