काठमाडौं, १४ भदाै । नेपाली काङ्ग्रेसले भिरबाट खसालेर गाईकाे हत्या गरेेकाे सामाचारप्रति ध्यानाकर्षण भएको जनाएको छ । काङ्ग्रेस संसदीय दलले सुर्खेतको वीरेन्द्रनगर नगरपालिकाअन्तर्गत कटकुवा वन क्षेत्रमा करीब दुई दर्जन गाई मृत र सयौँको सङ्ख्यामा घाइते अवस्थामा भेटिएको सामाचारप्रति ध्यानाकर्षण भएको जनाएको हाे ।
शुक्रबार एक विज्ञप्तिमार्फत गाई राष्ट्रिय जनावर मात्र नभएर धार्मिक दृष्टिकोणले पनि छुट्टै महत्व रहँदै आएको उल्लेख गर्दै नेपालको संविधानले संरक्षित गरेको गाईको हत्या गर्नु जघन्य अपराध भएको ठहर गरेको छ । पार्टीका प्रमुख सचेतक बालकृष्ण खाणद्वारा जारी विज्ञप्तिमा यस्ता घटना घट्नु अत्यन्त निन्दनीय एवं दुःखदायी विषय भएको उल्लेख गर्दै गौहत्याप्रति आपत्ति र भत्र्सना गरिएको छ ।
काङ्ग्रेसले घटनाको सत्यतथ्य छानविन गरी दोषी उपर कानूनी कारवाही गर्न र यस्ता किसिमका घटनालाई पुनः दोहोरिन नदिन सरकार एवं सम्बन्धित निकायसँग माग गरेको छ ।
यस्तै, राष्ट्रिय प्रजातन्त्र पार्टीले पनि एक बिज्ञप्ती मार्फत घट्नाबारे गम्भीर ध्यानाकर्षण भएको जनाएको छ ।
‘हिन्दुहरुको आस्था एवम राष्ट्रिय जनावर गाई एकैपटक ठूलो संख्यामा मृत भेटिनु दुःखद, शंकास्पद र निन्दनीय छ । यस घट्नाको तत्काल छानविन गर्न वा नियतवश यो जघन्य अपराध भएको हो भने दोषी पत्ता लगाई कडा कारवाही गर्न माग गर्दछौं,’ विज्ञप्तीमा भनिएको छ ।