धादिङको बेनिघाटबाट त्रिशुलिमा बस खस्यो: ३ जनाको मृत्यु, दर्जनबढी घाइते 

धादिङको बेनिघाटबाट त्रिशुलिमा बस खस्यो: ३ जनाको मृत्यु, दर्जनबढी घाइते 

  • शुक्रबार, साउन २४, २०७६
  • मिर्मिरे अनलाइन

  • 8.8K
    SHARES

२४ साउन, काठमाडौं । धादिङमा बस दुर्घटना हुँदा ३ जनाको मृत्यु भएको छ । १४ भन्दा बढी घाइते भएका छन् ।

सर्लाहीको मलंगवाबाट काठमाडौंतर्फ आउँदै गरेको ना ६ ख ७४६९ नम्बरको रात्रिबस शुक्रबार बिहान ३ बजे धादिङको बेनी रोराङ गाउँपालिका–३, सलाङघाटमा दुर्घटना भएर त्रिशूलीमा खसेको हो ।

दुर्घटनामा ३ जनाको मृत्यु भएको धादिङमा कार्यरत नेपाल प्रहरीका एसपी राजकुमार बैदवारले पुष्टि गरे । एसपी बैदवारका अनुसार, मृतकको सनाखत हुन बाँकी छ ।

दुर्घटनामा अन्य १४ जना घाइते भएका छन् । घाइतेमध्ये केहीको अवस्था गम्भीर रहेको बताइएको छ । उनीहरूलाई उद्धार गरी विभिन्न अस्पतालमा पठाइएको जिल्ला प्रहरी कार्यालय, धादिङले जनाएको छ ।

करिब ३८ यात्रु सवार बस सडकबाट अन्दाजी २ सय मिटर तल त्रिशूली नदीमा खसेको छ । एसपी बैदवारले दुर्घटनाको कारण नखुलेको र यसबारे थप अनुसन्धान भइहेको बताएका छन् ।

बसमा कति यात्रु थिए भन्ने यकिन हुन सकेको छैन । नेपाली सेना, सशस्त्र प्रहरीको टोली उद्धारमा खटिएका छन् । अफ्ठयारो ठाउँ भएका कारण उद्धारमा कठिनाई भएको प्रहरीले जनाएको छ । घटनाबारे थप विवरण आउन बाँकी छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ