सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहालले पूर्वराजा ज्ञानेन्द्रलाई आइतबार एक कार्यक्रममार्फत् ‘बकबास गरिरहे नागार्जुनबाट निकाल्न सकिनेछ’ भन्दै धम्क्याएका छन्। लोकतन्त्रमा बोल्नै नपाइने भन्र्ने कुरा हास्यस्पद हो । हाँसी हाँसी आफ्नो राजगद्दी बुझाएर सामान्य नागरिकसरह जीवन यापन गर्दै आएका पूर्वराजाले बोल्नै नपाउने के कारण छ ? अभिव्यक्ति अधिकार राजालाई पनि छ। अहिलेको व्यवस्था नेताहरूका निम्तिमात्र आएको होइन। यो सवैको लागी हो । यदि बोल्न पाइदैन भने यो लोकतन्त्र होइन । लोकतन्त्र अझै ब्यवहारमा आउन सकेको छैन । नेताहरुले नागार्जुनबाट निकाल्ने धम्की दिनु लोकतान्त्रिक ब्यवस्थामा त्यति राम्रो कुरा होइन । सामाजिक सञ्जालमा सर्वसाधारणले यो बिषयमा आर्कोश पोखेका छन । राजाको पक्षमा अभिव्यक्ति दिएका छन । सामाजिक सञ्जालमा राजाले पनि बोल्न पाउनु पर्छ भनेर जनताको मत आइरहेको छ ।
अहिलेको व्यवस्थामा के शासकहरु मात्र बोल्ने र अरुले बोल्न नपाइने भन्ने छ ? त्यसो हो भने यो ब्यवस्थालाई लोकतान्त्रिक ब्यवस्था मान्न सकिदैन । लोकतान्त्रिक शासन व्यवस्थामा आलोचनात्मक अभिव्यक्ति दिन सवै नागरिकलाई स्वतन्त्रता छ । पूर्वराजा ज्ञानेन्द्रले आफना कुरा राख्न पाउँछन । देशका कुना कुनामा गएर जनता संग कुरा गर्न पाउँछन । कसैले राजालाई बोल्न रोक लगाउन पाउँदैन । पूर्व राजाको अभिव्यक्तिमै लगाम लगाउने छूट कसैलाई छैन। आफ्नो अभिव्यक्ति स्वतन्त्रताको अधिकारको उपयोग गर्न राजाले पनि पाउँछन । यो उनको अधिकारको कुरा हो ।
अभिव्यक्ति स्वतन्त्रता आमनागरिकले जन्मसँगै पाएको स्वतन्त्रता हो। अभिव्यक्ति स्वतन्त्रता हनन् हुनु भनेको निरंकुशताको संकेत हो ।
सामान्य नागरिकसरह जीवन यापन गर्दै आएका पूर्वराजाले बोल्दा यति ठूलो आपत्ति किन ? किन पूर्व राजा देखि दलहरु र तिनका नेताहरु डराइरहेका छन ? के पूर्व राजाको लोकप्रियता देखी नेताहरुलाई डर लागेको हो ? ११ बैशाख २०६३ मा राजा र दलका बीचमा भएको सम्झौता यथासिघ्र कार्यान्वयन गर होइन भने जनता सडकमा उत्रने छन ।
स्वतन्त्र अभिव्यक्तिका निम्ति धेरै लडेर आएका छन । सबैखाले अधिकारको जननी अभिव्यक्ति स्वतन्त्रता हो। त्यही भएर यसलाई सबैभन्दा मूल्यवानका रूपमा ग्रहण गरिएको छ।
