काठमाडौं १५ साउन ।
विप्लव नेतृत्वको नेपाल कम्युनिस्ट पार्टीले महिला नेतृ धिरेन्द्रा उपाध्याय ‘भृकुटी’लाई तत्काल रिह ागर्न माग गरेको छ ।
नेकपा निकट अखिल नेपाल महिला सङ्घ क्रान्तिकारीकी केन्द्रीय महासचिव उपाध्यायलाई प्रहरीले विनाकारण गिरफ्तार गरेको भन्दै सो पार्टीले विनासर्त रिहा गर्न माग गरेको हो ।
ने.क.पा काठमाडौंका जिल्ला ईन्चार्ज शैलेशले बुधवार विज्ञप्ति जारी गर्दै नेतृ उपाध्ययलाई प्रहरीले विनाकारण गिरफतार गरेको निन्दा तथा भत्सना गर्दै रिहाईको माग गर्नुभएको छ ।
नेतृ उपाध्ययलाई मंगलवार अपरान्ह पौने ३ बजेतिर जनतासंग घरदैलो अभियान का क्रममा राजनैतिक भेटघाट र छलफलका लागि जनताको घरमा बसिरहेको बेला काठमाडौंको बुढानिलकन्ठबाट प्रहरीले विनाकारण गिरफ्तार गरेको इन्चार्ज शैलेशले बताउनु भएके छ ।
विज्ञप्तिमा सामाजिक फासिवादी सरकारले न्युनतम् राजनैतिक अधिकार समेतलाई बन्दुकको बलमा निमोठ्ने गरी गिरफतार गरेको भन्दै पार्टिको गंभिर ध्यानाकर्षण भएको उहाँले बताउनु भएको छ ।
साथै इन्चार्ज शैलेशले नेतृ उपाध्यायसहित सबै गिरफ्तार नेता, कार्यकर्ताहरुको यथाशिघ्र रिहाई गर्न र मानवअधिकार आयोग, मानअधिकार बादी संघ संस्था, सच्चा लोकतन्त्रबादी, नागरिक समाज र सच्चा राष्ट्रवादीहरुलाई रिहाईको निम्ति पहल गरी सहयोग गरिदिन अपिल समेत गर्नुभएको छ ।
सच्चा समाजवादी राज्य व्यवस्था प्राप्त गर्नको निम्ति क्रान्तिको प्रकृयामा रहेको पार्टी माथि फासिबादी सरकारले चलाएको दमन र विनाकारण गरिने धरपकडले क्रान्तिको मार्गलाई विचलित नहुने पनि विज्ञप्तिमा जनाईएको छ ।
विज्ञप्तिमा दलाल सरकारले चलाएको दमन र गैरन्यायिक धरपकडबाट कत्ति पनि विचलित नभई आ–आफ्नो ठाउँबाट प्रतिवाद एवं प्रतिरोध गर्न पार्टी पंक्ति र जनसमुदायमा अपिलगर्दै फांसिवादबाट सिर्जित समस्याले नेकपालाई मात्र नभई न्यायप्रेमी जनसमुदाय समेतलाई लपेटदै जाने बताइएको छ ।
यसको प्रतिवाद एकिकृत जनक्रान्तिले मात्र गर्न सम्भव भएकोले सबै समुदायलाई क्रान्तिको ताकत वरिपरि गोलबद्ध हुन पनि नेकपाको अपिल छ।