पत्नि सिताकाे इच्छा पुरा गर्न प्रचण्ड पारिवारिक भ्रमणका लागि दुबई प्रस्थान

पत्नि सिताकाे इच्छा पुरा गर्न प्रचण्ड पारिवारिक भ्रमणका लागि दुबई प्रस्थान

  • मङ्लबार, साउन १४, २०७६
  • मिर्मिरे अनलाइन

  • 9.9K
    SHARES

१४ साउन, काठमाडौं । सत्तारूढ नेकपा अध्यक्ष पुस्पकमल दाहाल प्रचण्ड पारिवारिक भ्रमणका लागि मंगलबार दुबई प्रस्थान गरेका छन् । भ्रमण टोलीमा परिवारका ७ सदस्यहरु सहभागी छन् ।

स्रोतका अनुसार बिरामी अवस्थामा रहेकी प्रचण्डपत्नी सीता दाहालले दुबई शहर हेर्ने इच्छा गरेपछि प्रचण्ड पारिवारी भ्रमणका लागि दुबै गएका हुन् । साउन १८ गते फर्कने गरी मंगलबार युएईतर्फ लागेको टोलीमा अध्यक्ष प्रचण्ड र सीता दाहालका साथमा दुई छोरी र तीनजना नाति-नातिना सहभागी छन् ।

पारिवारिक भ्रमण दलमा भरतपुर महानगरपालिकाकी मेयरसमेत रहेकी छोरी रेनु दाहाल र सचिवालयमा कार्यरत कान्छी छोरी गंगा दाहालसमेत छन् । टोलीमा रेनु दाहालका छोरा, गंगाकी छोरी र स्व. प्रकाश दाहालका जेठा छोरा पनि छन् ।

यसअघि सीतालाई उपचारका लागि अमेरिका लगिएको थियो । त्यहाँ उपचार गर्दा पनि उनको अवस्थामा उल्लेखनीय सुधार आएको छैन । तथापि अहिलेको दुबई भ्रमण कुनै औषधोपचारका लागि नभएर ‘रिफ्रेसमेन्ट’ का लागि मात्र भएको स्रोतले बतायो ।

नेकपा अध्यक्ष प्रचण्डले पछिल्लो समय विरामी श्रीमतीको इच्छा पूरा गर्दै आएका छन् । यसअघि विवाहको ५० औं वर्षगाँठ मनाउँदा पनि प्रचण्डले पत्नीको खुशीका लागि आफूले विवाहोत्सव मनाएको बताएका थिए ।

यसपालि श्रीमती, छोरी र नाति नातिनाका साथमा दुबई जान तयार भए पनि प्रचण्डले त्यहाँ रहँदाका ४ दिन व्यक्तिगत रुपमा आराम गर्ने सोचाइ बनाएको उनी निकट स्रोतले बतायो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ