नदी नियन्त्रणमा सहयोग गर्न प्रदेश २ सरकारको आग्रह, सिँचाइ मन्त्री पुनसँग छलफल

नदी नियन्त्रणमा सहयोग गर्न प्रदेश २ सरकारको आग्रह, सिँचाइ मन्त्री पुनसँग छलफल

  • सोमवार, साउन १३, २०७६
  • मिर्मिरे अनलाइन

  • 5.1K
    SHARES

धनुषा, साउन १३ ।
प्रदेश २ मा भीषण वर्षा र बाढीका कारण भएको क्षतिबारे जानकारी गराउँदै सहयोग जुटाउने उद्देश्यले काडमाडौ आएको मुख्यमन्त्री लालबाबु राउत नेतृत्वको सर्वदलीय टोलीले आज ऊर्जा, जलस्रोत तथा सिँचाइ मन्त्री वर्षमान पुनसँग छलफल गरेको छ ।

मन्त्रालयमा भएका छलफलमा मुख्यमन्त्री राउतले बाढीबाट भएको क्षति भयावह रहेकोले तत्कालीन र दीर्घकालीन योजना बनाएर तटबन्ध मर्मत तथा निर्माणमा सहयोग गर्न आग्रह गर्नुभयो । कटानका कारण नदीको पानी सोझै गाँउमा पसिरहेकोले त्यस्ता ठाँउहरुमा तत्काल मर्मतको काम गर्नु पर्ने उहाँले बताउनुभयो ।

मर्मत कार्यमा सहयोग गर्न संघीय मन्त्री पुनसँग आग्रह गर्दै उहाँले दीर्घकालीन रुपमा चुरे संरक्षण, चुरेमा भइरहेको अनियन्त्रित बसोवासको नियन्त्रण,नदीहरुमा पक्की तटबन्ध निर्माणसहितको योजना बनाउनु पर्ने बताउनुभयो ।

उहाँले दीर्घकालीन योजना अनुरुप कार्य नभए मधेश मरुभूमिमा परिणत हुने भएकाले संघीय मन्त्रालयलाई तत्काल यस विषयमा सोच्नु पर्ने आवश्यकता समेत औल्याउनुभयो ।

छलफल ऊर्जा, जलस्रोत तथा सिँचाइ मन्त्री वर्षमान पुनले आवश्यक रकम अर्थ मन्त्रालयसँग माग गरेर तत्काल गर्न सकिने कामहरु अघि बढाउने प्रतिबद्धता व्यक्त गर्नु भएको मुख्यमन्त्री राउतले बताउनु भएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ