काठमाडौं, साउन ८ ।
प्री सिजन अन्तर्गत इन्टरनेशनल च्याम्पियन्स कपमा भएको खेलमा रियल मड्रिडले आर्सनललाई ट्राइब्रेकरमा पराजित गरेको छ । आज बिहान भएको खेलमा रियलले आर्सनललाई ट्राइब्रेकरमा ३–२ गोल अन्तरले हराएको हो ।
खेलको निर्धा्रित समय २–२ गोलको बराबरी भएपछि ट्राइब्रेकरमा गएको खेलमा रियलले बाजी मारेको हो । खेलको पहिलो हाफमा २–० ले पछि परेको रियललाई ग्यारेथ बेल र मार्को एसेन्सियोले जोगाएका थिए ।
खेलको नवौं मिनेटमा नाचो फर्नान्डेज दोहोरो पहेलो कार्ड खादै मैदान बाहिरिएपछि रियल १० खेलाडीमा सिमित बनेको थियो । दशौं मिनेटमा एलेक्सजेन्डर लाकाजेट्स र २४ औं मिनेटमा पेरिक एम्रिक आबुमियाङले गोल गर्दै आर्सनललाई २–० को अग्रता दिलाएका थिए ।
खेलको ४० औं मिनेटमा आर्सनलका सोक्रेट्स दोहोरो पहेलो कार्ड खादै मैदानबाट बाहिरिएपछि आर्सनल पनि १० खेलाडीमा समेटियो । दोस्रो हाफमा मैदान छिरेका बेलले ५७ औं मिनेटमा एक गोल गर्दै रियललाई खेलमा फर्काउने कोशिश गरे ।
त्यसपछि एसेन्सियोले ५९ औं मिनेटमा गोल गर्दै खेल बराबरीमा ल्याएका थिए । नतिजासंगै प्रि–सिजन टूरमा आर्सनलको जितको श्रृङ्खलामा पूर्ण्विराम लागेको छ । उसले पछिल्ला तीन खेलमा स्पष्ट जित निकालेको थियो ।
