प्रधानमन्त्री राहत कोषमा २५ लाख हस्तान्तरण, कर्मचारी सरकारका हात खुट्टा हुन्ः ओली

प्रधानमन्त्री राहत कोषमा २५ लाख हस्तान्तरण, कर्मचारी सरकारका हात खुट्टा हुन्ः ओली

  • बुधबार, साउन ८, २०७६
  • मिर्मिरे अनलाइन

  • 5.1K
    SHARES

काठमाडौं, ८ साउन ।

वर्षापछि आएको बाढी पहिरोका कारण जनधानको क्षती भएपछि सहयोग स्वरुप दुइटा संस्थाले प्रधानमन्त्री प्राकृतिक प्रकोप उद्धार राहत कोषलाई २५ लाख रुपैयाँ सहयोग गरेका छन्।

आज बिहान प्रधानमन्त्री निवास बालुवाटारमा प्रधानमन्त्री केपी शर्मा ओलीलाई निजामती कर्मचारीहरूको आधिकारिक ट्रेड युनियनले १० लाख र व्यापारिक समूह केडिया ग्रुपले १५ लाख रुपैयाँ हस्तान्तरण गरेका हुन्।

राहत रकमको चेक बुझ्दै प्रधानमन्त्री ओलीले बाढी पहिरोको चपेटामा परेका जनतालाई सहयोग गर्नका लागि रकम हस्तान्तरण गरेकोमा ट्रेड युनियन र केडिया ग्रुपलाई धन्यवाद दिनुभयो ।

राहत रकम बुझाउन गएको निजामती कर्मचारीको आधिकारिक ट्रेड युनियनको प्रतिनिधि मण्डलसँग कुरा गर्दै प्रधानमन्त्री ओलीले अब सिर्जना र योगदानको समय आएको बताउनुभएको छ ।

प्रधानमन्त्री ओलीले सरकार सुशासन र विकासका निम्ति प्रतिवद्ध रहेको उल्लेख गर्नुभयो । सरकारको यस अभियानलाई साथ दिन कर्मचरीहरुलाई प्रधानमन्त्रीले आग्रह पनि गर्नुभएको छ ।

सरकारका हात खुट्टा भनेका कर्मचारी भएको भन्दै प्रधानमन्त्री ओलीले कर्मचारीहरु सेवामुखी भए मात्रै जनतामा सरकारप्रतिको सकारात्मक सन्देश जाने धारणा राख्नुभयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ