काठमाडौं, साउन ८ । आइसीसी ट्वेन्टी–ट्वेन्टी विश्वकप क्रिकेट अन्तर्गत एसियाली क्षेत्रको छनोट प्रतियोगितामा बुधबार नेपालले मलेसियाबाट ८४ रनको लक्ष्य पाएको छ ।
सिंगापुरमा जारी प्रतियोगितामा बुधबार वर्षाका कारण नेपाल र मलेसियाबीचको खेल ९ ओभरमा छोट्याइएको छ । पहिलो खेलमा पराजित भएको नेपाल आज जित्नै पर्ने दबाबमा छ ।
टस जितेर फिल्डिङ रोजेको नेपालले निर्धारित ९ ओभरमा मलेसियालाई ८३ रनमा रोकेको हो । यस क्रममा मलेसियाले सात विकेट गुमाएको थियो ।
मलेसियाका लागि सैयद अजिजले सर्वाधिक ३० रन बनाए । त्यस्तै विरानदीप सिंहले २१ रन बनाए ।
नेपालका लागि सोमपाल कामीले तीन विकेट लिए भने बसन्त रेग्मीले दुई तथा सन्दीप लामिछाने र करन केसीले एक÷एक विकेट लिए । केहिवेरमा नेपालमा जवाफि व्याटिङ गर्दैछ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
