काठमाडौं साउन ४ ।
चौंथोे ललित स्मृति कप यू–१८ च्याम्पियनसिप फुटबलको उपाधि भिडन्त भोलि हुँदैछ । ललितपुरको सातदोबाटोमा हुने फाइनलमा विभागीय टिम नेपाल पुलिस क्लब र ब्रिगेड ब्वाइज क्लबबीच प्रतिस्पर्धा हुनेछ । फाइनल खेल अपरान्ह ३ बजे सुरु पछि हुनेछ ।
एन्फा कम्प्लेक्सको मैदानमा दुवै टोलीको लक्ष्य उपाधि चुम्नु हुनेछ । ब्रिगेड ब्वाइज साबिकको विजेता हो । पुलिस भने पहिलो पटक फाइनल प्रवेश गरेको हो । ब्रिगेड लगातार दोस्रो पटक च्याम्पियन बन्न चाहन्छ । पुलिस पहिलो पटक उपाधि जित्ने योजनामा हुनेछ ।
फाइनल अघि दुवै टिमले उपाधिका लागि खेल्ने बताएका छन् । दुवै टोलीलाई उत्कृष्ट युवा खेलाडीको साथ छ । प्रतियोगितामा ब्रिगेडका बृजेश चोधरी र पुलिसका सन्जु सेन सर्वा्धिक गोलकर्ता हुन् । दुवैले समान ७र७ गोल गरेका छन् ।
यस्तै ब्रिगेडका रोशन राना मगरले ६ गोल गरेका छन् । त्यसैले फाइनल खेल रोमान्चक हुने अनिमान गरिएको छ । प्रतियोगिताको विजेताले ३ लाख रुपैयाँ प्राप्त गर्नेछ । उपविजेताले १ लाख ५० हजार रुपैयाँ पाउनेछ ।
