इलाम, २७ असार ।
अविरल बर्षा पछिको पहिरोका कारण इलामका बिभिन्न ठाउँमा क्षती भएको छ । शुक्रबार वर्षाका कारण इलाम नगरपालिका ४ मा ७ वटा बाटोमा पहिरोले क्षती पुर्याएको छ ।
भित्तेको गिरिगाउँ ठूलो पहिरोको जोखिममा परेको वडा नम्बर ४ का वडाध्यक्ष नुतनदेव दुलालले जानकारी दिनु भयो । यसै गरी अमर मावि टोलमा गगा माया दियाली र मिना गजमेरको घर पहिरोको खतरामा परेको छ । यस्तै फिक्कल नयाँबजार सडक पहिरोले अवरुद्ध भएको छ ।
बर्षाकै कारण आज पनि दर्जनौ बिद्युत पोलको क्षती भएको छ । नेपाल बिद्युत प्राधिकरण इलाम बितरण केन्द्रको नव निर्मित भवन पहिरोको जोखीममा परेको छ ।
यस्तै इलाम कारागार छेउ, बालन गाउँ इनपा ७ नारायणस्थान , बरबोटे फिक्कल छिपिटार लगायतका स्थानमा दजनौ बिद्युत पोलमा पहिराले क्षति गरेको बिद्युत प्राधिकरण इलाम वितरण केन्द्रका प्रमुख रविनबावु घिमिरेले जानकारी दिनु भयो ।
उहाँका अनुसार इलामको तिल्केनी सव स्टेशनमा बिहान परेको चटयाङले क्षती गरेको छ । सव स्टेशनको ट्रान्सफर्मरमा क्षती भए पछि नयाँ ट्रान्सफर्मर लिन इनरुवा पठाईएको कार्यालयले जनाएको छ । अन्य क्षेत्रमा पनि पहिरोले क्षती गरेको छ । सबै ठाउँको क्ष्ँतीको विवरण प्राप्त हुन वाँकी छ ।
