चितवन, २१ असार ।

चितवन राष्ट्रिय निकुञ्जले आजदेखि जीप सफारी बन्द गरेको छ । बर्खा सुरु भएपछि निकुञ्ज कार्यालयले जीप सफारी बन्द गर्ने निर्णय गरेको निकुञ्जका प्रमुख संरक्षण अधिकृत वेदकुमार ढकालले बताउनुभयो ।

मध्यवर्ती सामुदायिक वन क्षेत्रमा भने जीप चल्ने उहाँले जानकारी दिनुभयो । जीपमा पर्यटक राखेर निकुञ्जको भित्री भाग घुमाउने गरिन्छ । आजदेखि बन्द भएको जीप सफारी दशैं, तिहार लक्षित गरी असोज पहिलो हप्ताबाट खुल्ने छ ।

बाटो हिलो, खाल्डाखुल्डी र घाँसका झाडी बढेकाले जीप चलाउन रोक लगाएको पनि ढकालले बताउनुभयो । गएको वर्ष असार १६ गतेबाटै जीप चलाउन रोक लगाए पनि यसपाली मनसुन ढिलो भएकाले एक हप्ता ढिलोगरी सफारी रोकिएको हो ।
निकुञ्जभित्र घुम्नका लागि सौराहाबाट ३२, कसराबाट १५, भिम्लेबाट १५ र अमलटारी क्षेत्रबाट ७ ओटा जीप छिर्ने गर्छन् ।

कार्तिक शुक्ल षष्ठीः राष्ट्रपति पौडेलद्वारा गुह्येश्वरीमा छठीमाताको पूजा आराधनासहित अर्घ्य दान

अस्ताउँदो सूर्यलाई अर्घ दिएर ‘सझिया अरख’ विधि सम्पन्न

भक्तपुरमा तराईको झल्को, झकिझकाउ पोखरी र खोला: मनाइयो छठ

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध