रसुवा, ६ असार ।
रसुवागढी जलविद्युतु आयोजनाको पावर हाउसभन्दा माथिबाट आएको पहिराका कारण सुरुङमा काम गरिरहेका १५ जना कामदारभित्रै फसेका छन्।
उनीहरुको उद्धारका लागि बिहानैबाट काम सुरु गरिएको आयोजना प्रमुख छवि गैरेले बताउनु भयो ।
सुरुङमा विद्युत अवरुद्ध हुनुका साथै बाटोमा पहिरो गएको कारण कामदारलाई बाहिर नआउन आग्रह गरिएको र उनीहरुको उद्धार कार्य बिहिानैबाट सुरु गरिएको उहाँले बताउनु भयो ।
सुरुङको मुख भने बन्द नभएको आयोजनाले जनाएको छ । सुरुङभित्र रहेका कामदारसँग वाकेटकेमा कुरा भइरहेको रहेको र उनीहरु सकुसल रहेको बताईएको छ ।
भित्र फसेका कामदारलाई उद्धार गर्नका लागि नेपाल प्रहरी, सशस्त्र प्रहरी र नेपाली सेनाको टोली घटनास्थलमा पुगेको प्रमुख जिल्ला अधिकारी अर्जुन भण्डारीले बताउनुभयो ।
१११ मेगावट क्षमताको यो आयोजना रसुवाको गोसाइँकुण्ड गाउँपालिका–२ टिमुरेमा निर्माण हुँदैछ।
