काठमाडौँ ३२ जेठ ।
काठमाडौमा भएको बम विस्फोटमा परी घाईते भएका रामकुमार श्रेष्ठको उपचारका क्रममा मृत्यु भएको छ ।
जेठ १२ गते काठमाडौंको सुकेधारामा भएको विस्फोटमा परी घाइते रामेछाप मन्थली नगरपालिका ४ का श्रेष्ठको उपचारको क्रममा ओम अस्पतालमा मृत्यु भएको छ । उपचाररत श्रेष्ठको आज बिहान मृत्यु भएको महानगरीय प्रहरी वृत्त महाराजगञ्जका प्रमुख डीएसपी फणिन्द्र प्रसाईंले जानकारी दिनुभयो ।
योसँगै विस्फोटमा परी मृत्यु हुनेको सङख्या पाँच पुगेको छ । यसअघि अनामनगर र सुकेधारा विस्फोटमा परी चार जनाको मृत्यु भएको थियो ।
बम विस्फोटमा परी सहिद हुनेहरुमा नेपाल कम्युनिष्ट पार्टीको जनमुक्ति सेनाका कमाण्डरहरू गोकुल रानामगर, विभुराम, अखिल क्रान्तिकारीका नेता प्रज्वल शाही, निरन्तर मल्ल र दिपेन वि .क रहेका थिए ।
सुकेधारास्थित छोटे ठाकुरको सैलुनमा भएको बम बिस्फोटमा परि गम्भीर घाइते भएका सुरेन्द्र महर्जन र हरि खड्काको ओम अस्पतालको आइसीयुमा उपचार भइरहेको छ ।
