उदयपुर, ३२ जेठ ।
नेपाल कम्युनिस्ट पार्टीका जिल्ला सदस्य पूर्ण तामाङलाई बिना कारण गिरफ्तार गरी झुठा मुद्धामा फसाउने सड्यन्त्र गरेको भन्दै आपत्ति जनाएको छ ।
जिल्ला अदालत उदयपुरले रिहा गरेलगत्तै प्रहरीले तामाङलाई पुनः गिरफ्तार गरेपछि ने.क.पा. उदयपुरले आक्रोश व्यक्त गरेको छ । घरमै बसिरहेको अवस्थामा चैत ५ गते गिरफ्तार गरी झुठा मुद्धामा फसाएर पुर्पक्षका लागी थुनामा पठाईएका उनलाई रिहा गर्न माग गर्दै जिल्ला अदालत उदयपुरमा रिट निवेदन दायर भएको थियो ।
सोहि रिटमाथिको बहसपछि जेठ ३० गते जिल्ला अदालत उदयपुरले निर्दोश भएको भन्दै धरौटिमा रिहा गरेको थियो । तर प्रहरीले उनलाई पुनः अदालत परिसरबाटै गिरफ्तार गरेको छ ।
ने.क.पा. उदयपुरका सेक्रेटरी प्रशान्तले बिज्ञप्ति जारी गरी गिरफ्तार तामाङलाई तत्काल रिहा गर्न पनि माग गर्नुभएको छ । तामाङलाई रिहा नगरे कडा संघर्षमा उत्रने चेतावनी समेत नेकपाले दिएको छ ।
