काठमाडौं, २६ जेठ । नेपाल कम्युनिष्ट पार्टी निकट अखिल(क्रान्तिकारी)ले संविधानले दिएको मौलिक अधिकारलाई कुल्चिएर आफ्ना २२ जना नेता तथा कार्यकर्तालाई गिरफ्तार गरिएकोमा घोर आपत्ति प्रकट गरेकाे छ ।
अखिल(क्रान्तिकारी)का केन्द्रिय अध्यक्ष चिरन्जीबी ढकालले आज एक विज्ञप्ति जारी गर्दै अखिल (क्रान्तिकारी) कास्की र पृथ्वीनारायण क्याम्पस जिल्ला कमिटिको संयुक्त बैठकमा हस्तक्षेप गरी नेता कार्यकर्ताला गिरफ्तार गरेकेा भन्दै यस्ता किसिमका गिरफ्तारी , दमन र राज्य आतंकको देश ब्यापी रुपमा कडा प्रतोरोध गर्न सम्पूर्ण युवा बिद्यार्थीहरुलाई आव्हान समेत गरेका छन् ।
कास्कीको अन्नपूर्ण गाउँ पालिकाको वार्ड न ११ उरीस्थित आमा समुहको भवनमा (क्रान्तिकारी) कास्की र पृथ्वीनारायण क्याम्पस जिल्ला कमिटिको संयुक्त बैठकमा प्रहरीले हस्तक्षेप गरी ने.क.पा. कास्की जिल्ला सेक्रेटरी बिबेक भण्डारी ‘आक्रोश’ , नेकपा कास्कीका जिल्ला सदस्य एबम एरिया इन्चार्ज सन्तोष परियार ‘परिवर्तन’ ,अखिल क्रान्तिकारी केन्द्रीय सदस्य मिलन राइ, अखिल क्रान्तिकारी केन्द्रीय सदस्य/कास्की जिल्ला अध्यक्ष काजी गुरुङ ,जिल्ला उपाध्यक्ष आस्था नेपाली, अखिल क्रान्तिकारी पि एन क्याम्पस जिल्ला अध्यक्ष प्रकाश बास्तोला र बिद्यार्थी नेता एब सहिद पुत्र सुजन सापकोटा लगायत लाई गिरफ्तार गरेको थियो ।
