सर्लाही, जेठ १७ । वाग्मती नदीमा बस खस्दा चालक ३५ वर्षीय वीरु राईको मृत्यु भएको छ । शुक्रबार सिन्धुलीको महेन्द्रझाडीबाट सर्लाहीतर्फ आउँदै गरेको ना३ख ६६४२ नम्बरको बस सिन्धुलीको हरिहरपुरगढी गाउँपालिका–६ स्थित मोरंगेको उकालोबाट वाग्मतीमा खसेको हो ।

मोरंगेको उकालो निकै ठाडो रहेकाले सबै यात्री झारेर चालकले बस उकाल्नेक्रममा दुर्घटना भएको स्थानीयले बताएका छन् । उकालोको टुप्पोनजिक पुग्नेबेलामा ‘स्टार्ट’ बन्द भएपछि अनियन्त्रित भइ बस खोलामा खसेको बताइएको छ ।

रौतहटको चन्द्रपुर नगरपालिका–१ निवासी चालक राईको घटनास्थलमै मृत्यु भएको हो । घटनास्थल सर्लाहीस्थित पूर्व–पश्चिम राजमार्गबाट करिब ६ किलोमिटर उत्तर सिन्धुली जिल्लामा पर्दछ । दुर्घटनास्थल विकट क्षेत्रमा रहेको छ ।

कार्तिक शुक्ल षष्ठीः राष्ट्रपति पौडेलद्वारा गुह्येश्वरीमा छठीमाताको पूजा आराधनासहित अर्घ्य दान

अस्ताउँदो सूर्यलाई अर्घ दिएर ‘सझिया अरख’ विधि सम्पन्न

भक्तपुरमा तराईको झल्को, झकिझकाउ पोखरी र खोला: मनाइयो छठ

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध