काठमाण्डौ, १५ जेठ । समाजवादी पार्टी नेपालका अध्यक्ष तथा पूर्व प्रधानमन्त्री डाक्टर बाबुराम भट्टराईले सरकारले ल्याएकाे बजेट पपुलिष्ट र केही कस्मेटिक कुरा भएको बताएका छन् । उनले सरकारले ‘पपुलिस्ट’ अर्थात लोकरिझ्याइँवाला बजेट ल्याएको बताए ।
बुधबार अर्थमन्त्री डाक्टर युवराज खतिवडाले संसदमा पेस गरेकेा बजेटमा सरकारले पुराना कुरा दोहोर्याउँदै फरक परिणाम खोजेको बताउँदै यसलाई पागलपनको संज्ञासमेत दिए ।
सरकारले ल्याएको बजेटबारे डाक्टर भट्टराई ट्विटरमा लेख्छन्, ‘नयाँ वर्षको बजेट पुरानै निरन्तरतामा देखियोस् । केही पपुलिष्ट कुरा र केही कस्मेटिक सुधारका कुरा बाहेक, यत्तिकैमा भित्री र बाहिरी लगानीमा कसरी गुणात्मक वृद्धि होला ? त्योबिना अपेक्षित वृद्धि र रोजगारी सिर्जना कसरी होला ? पुराना काम दोहोर्याइरहनु र फरक परिणाम खोज्नु पागलपन हो भन्थे आइन्सटाइन ।’
