नेपालगन्ज, २८ वैशाख ।
नेपालगन्जमा शनिबार वर्षकै सर्वाधिक गर्मी ४३ दशमलव ५ डिग्री सेल्सियस तापक्रम पुगेको छ । विगत एक सातादेखि ३९ देखि ४३.५ डिग्रीसम्म तापक्रम पुगेको नेपालगञ्जमा निरन्तर तातो हावा ‘लु’ चलिरहेको जल तथा मौसम विज्ञान विभागको नेपालगन्जको राँझास्थित हावापानी फिल्ड कार्यालयले जनाएको छ ।
शुक्रबार ४३ डिग्री तापक्रम रहेको नेपालगन्जमा शनिबार यो वर्षकै सर्वा्धिक तापक्रम ४३ दशमलव ५ डिग्री सेल्सियस मापन भएको हो। न्यूनतम् तापक्रम भने २२.३ डिग्री सेल्सियस मात्र छ।
लु चल्न थालेपछि सो क्षेत्रको जनजीवन प्रभावित भएको छ। दिउँसो आवत जावत समेत कम हुन थालेको छ ।
नेपालगन्जमा सात दिनदेखि पश्चिमी तातो हावा (लु) चलिरहेको जनाउदै हावापानी फिल्ड कार्यालयका प्रमुख अखिलेशप्रसाद चौरसियाले न्यूनतम् तापक्रम पनि बढेकाले रातिको समयमा पनि गर्मी हुने र शनिवार नेपालगन्जमा यो वर्षकै सबैभन्दा बढी तापक्रम मापन गरिएको बताए ।फाेटाेः गुगल
