काठमाडौं, १८ वैशाख । २६ औ विश्व प्रेस स्वतन्त्रता दिवसको अवसरमा प्रेस तथा अभिव्यक्ति स्वतन्त्रताको माग गर्दे नेपाल पत्रकार महासंघले आज राजधानीमा ऐक्यवद्धता र्याली निकालेको छ ।
काठमाडौंको बवरमहलबाट निकालिएको ऐक्यवद्धता र्याली नयाँबानेश्वर पुगेर काेणसभामा परीणत भएकाे थियाे । र्यालीमा पत्रकारहरुले सरकारले प्रेस स्वतन्त्रता र अभिव्यक्ति स्वतन्त्रता कुण्ठित गर्न खोजेको भन्दै प्रेसमाथिको दमन बन्द गर्न माग गरेका छन् ।
नेपाल पत्रकार महासंघका अध्यक्ष गोविन्द आर्चायले प्रेसमाथिको सरकारी हस्तक्षेप बन्द गर्न आह्वान गरे । महासचिव रमेश बिष्टले पछिल्लो समयमा प्रेसमाथि सरकारले निरंकुशता लाद्न खोजेको बताए । उनले प्रेसमाथि सरकारले लाद्न खाेजेकाे निरंकुशताकाे विरुद्ध महासंघले देशब्यापी आन्दोलन गर्ने चेतावनी दिए ।
साेहि अवसरमा हिरासतबाट मंगलवार मात्रै रिहा भएका पत्रकार जीतेन्द्र महर्जनले समेत बाेलेका थिए । पत्रकार महासंघले आजको दिन सात प्रदेश र सबै जिल्लाहरुमा अभिव्यक्ति स्वतन्त्रताको माग गर्दे र्याली निकालेको छ ।
