काठमाडौं, १५ बैशाख ।
नेपाल कम्युनिस्ट पार्टी (ने.क.पा.)को अर्घाखाँचीका भलामी मालारानीका गाउँपालिकाका ईन्चार्ज र जिल्ला कमिटी सदस्य गरी दुई नेतालाई आज दिउँसो सन्धिखर्कबाट प्रहरीले गिरफ्तार गरेको छ ।
प्राप्त समाचार अनुसार इन्चार्ज बालकृष्ण भलामी र जिल्ला सदस्य शंकर शाहीलाई प्रहरीले गिरफ्तार गरेको हो । मालारानी गाउँपालिका–६, साकिनधारा घर भएका भलामी र भूमिकास्थान नगरपालिका वडा नंं. ३ धारापानीका शंकर शाहीलाई प्रहरीले गिरफ्तार गरेको हो ।
सरकारले पछिल्लो समयमा ने.क.पा.माथि धरपकड र निगरानीलाई तीव्रता दिइरहेको छ । जसको ने.क.पा.ले चर्को विरोध गर्दै आएको छ । नेता भलामी र शाहीलाई बिनाकारण पार्टी काममा शान्तिपूर्वक खटिरहेको बेला गिरफ्तार गरी सरकारले फासीवाद चरित्र प्रदर्शन गरेको भन्दै बिनासर्त रिहा गर्न माग गरेको छ ।
यसबारे भने प्रहरीले अहिलेसम्म औपचारिक रुपमा केही बताएको छैन ।
