टेकेन्द्र बोहरा/बझाङ, १२ वैशाख ।
बझाङ जिल्लामा पनि पछिल्लो समय परम्परागत पानी घट्ट लोप हुने अवस्थामा पुगेका छन ।
पुर्खाहरूले घरेलु उद्योगका रूपमा प्रयोग गर्दै आएका पानी घट्टको साटो अहिले गाउँगाउँमा बिधुतिय मेसिन बाट चल्ने उद्योगहरू संञ्चालनमा आएपछि पानी घट्ट लोप हुदै गएका हुन।
पहिले चामल, धान, गहुँ, मकैलगायतका अन्नबाली पिस्नको लागि घट्टमा लिने गरिन्थ्यो । अहिले भने विद्युतीय मेसिनबाट गाँउमै पिस्ने गरेका कारण पानी घट्ट लोप हुदै जयपृथ्वी नगरपालीका वडा नँ७ स्थानियवासी रमेश वोहराले बताए ।
गाउँ घरमा आधुनिक विद्युतीय र डिजेलबाट चल्ने मिल स्थापना भएसंगै परम्परागत पानी घट्ट मात्र नभएर गाउँ घरमा चल्न ढिकी, जाँतो समेत विस्तारै लोप हुन थालेका छन् ।
आधुनिक विद्युतीय र डिजेलका मिलगाउँमै स्थापना भएसँगै परम्परागत खाद्यान्न कुटानी, पिसानीका लागी प्रयोग गर्ने पानी घट्ट , जाँतो प्रयोग विहीन अवस्थामा रहेका हुन ।
