विराटनगर ८ चैत्र । साफ् महिला च्याम्पियनसिप फुटबल नेपालले फाईनलमा जहिले ब्यहोर्ने दुर्भाग्य भनेको भारतसगँ उपाधी गुमाउनु । लगातार चार पटक यस्तो दुर्भाग्य ब्यहोरीसकेको छ नेपालले । तर यस पटक घरेलु मैदान त्यो पनि विराटनगरमा चेलीहरु जमिरहेका छन् उपाधी चुम्न ।
नेपाली महिला टिमको यस पटक नयाँ कोच छन् हरी खड्का । पूर्व राष्ट्रिय खेलाडी तथा राष्ट्रिय टोलिका प्रशिक्षक पनि भएकाले उनले महिला टिमलाई पनि नयाँ स्पिरिट दिईरहेका छन् । उनकै प्रेरणामा नेपाले भारत विरुद्ध गत फेब्रुअरीमा हिरो कपमा भारतलाई पराजीत गरेको थियो ।
तर आज तीन बजे विराटनगरको शहीद रंगशालामा नयाँ तरंग छाउने छ । भारत र नेपाल दुवै समुह चरणमा गोल खाएका छैनन् भने कुनै पनि टिमसगँ पराजीत भएका छैनन् ।
यस पटक उच्च मनोवलका साथ खेलेर उपाधी जीत्ने दाउमा नेपाल देखिन्छ । चेलीहरुलाई जीतको शुभकामना छ ।
