कास्की, ३० फागुन ।
पोखराको दुई स्थानमा बिहिवार बिहान बम फेला परेको छ । पोखरको सभागृह चोकको ट्राफिक डोम र लेखनाथ रंगशाला अगाडि दुईवटा बम भेटिएको हो ।
शकांस्पद वस्तु भनेर दावी गरे पनि उक्त वस्तु सकेट बम भएको प्रहरीले जनाइएको छ । बमलाई नेपाली सेनाले डिस्पोज गरेको छ ।
बम भेटिएपछि अहिले उक्त स्थानमा सुरक्षा व्यवस्था पनि कडा पारिएको छ ।
उता, नेत्र विक्रम चन्द विप्लव नेतृत्वको नेपाल बन्दका कारण पोखराको जनजिवन प्रभावित भएको छ । भित्रि गल्लि तथा साघुरा सडकहरुमा केही निजी सवारी साधन फाट्टफुट्ट चले पनि सार्वजनिक सवारी साधन ठप्प छ ।
विद्यालय तथा बजार, पसल पनि बन्द रहेको जनाईएको छ । सरकारकोे दमन, सेना परिचालन, गोलीकाण्ड र ज्यादाति रोक्न, देशभरबाट गिरफ्तार आफ्ना नेता कार्यकर्तामाथि चलाएको अमानवीय यातना र झुठा मुद्दाविरुद्ध पूर्वघोषित कार्यक्रम अनुरुप नै आज ने.क.पा.ले नेपाल बन्द गरेको हो ।
