सर्गम श्रेष्ठ/विराटनगर, २३ फागुन ।
नेपाल कम्युनिस्ट पार्टी (ने.क.पा.)का पाँच जना कार्यकर्तालाई अदालतले रिहा गरे लगत्तै प्रहरीले पुन गिरफ्तार गरेको छ ।
उच्च अदालत विराटननगरले रिहा गरेलगत्तै अमृत मगर, केबी लिम्बु , बाबा लिम्बु , विमल बस्नेत र विक्रम राइलाई प्रहरीले अदालतको गेटबाटै पुन गिरफ्तार गरेको हो ।
उनीहरुलाई फागुन १४ गते इलाम जिल्लाको फाकफोक थुम गांउपालिकाको लुङ्सुम्दाङबाट प्रहरिले गिरफ्तार गरेको थियो ।
फागुन १४ सहिद सप्ताहको पहिलो दिन सहिदहरु प्रति श्रद्धाञ्जली , बेपत्ता तथा घाइते योद्धाहरु सम्मान तथा स्मरण गर्दै सहिद तथा बेपत्ता योद्धाहरुले देखाएको बाटोमा निरन्तर अघि बढने प्रण गर्दै अभियान २ मेचि ब्युरोका अभियान्ताहरु शहीद परिवारलाई सम्मान कार्यक्रममा सरिक भई रहेका बेला शहीद कै घरबाट गिरफ्तार गरियको थियो ।उनिहरुलाई सार्बजनीक मुद्दा लगाईयको थियो ।
आज बिराटनगार अदालतमा उनिहरुको सार्बजनीक मुद्दाको रिट माथि बहस हुँदा उनिहरु अदालतले निर्दाेस सबित गर्दै रिहाईको आदेश दिएको थियो ।तर पुनः अदालत हाता भित्रै बाट प्रहरीले गिरफ्तार गरी बेपत्ता बनाएको भन्दै नेकपा मेची व्युरोले बिरोध जनाएको छ ।
उनीहरुलाई तत्काल रिहा गर्न पनि नेपाल कम्युनिस्ट पार्टी मेची ब्युरो कार्यलयले माग गरेको छ ।
