बुटवल, १९ फागुन ।
नेपाल कम्युनिस्ट पार्टीको गुल्मी जिल्ला सेक्रेटरी खिमबहादुर खड्कालाई प्रहरीले गिरफ्तार गरेको छ ।
सेक्रेटरी खड्कालाई पार्टी काममा खटिइरहेका बेला प्रहरीले आइतबर दिउँसो गिरफ्तार गरेको हो । उनलाई बाटोमा हिड्दाहिड्दै गर्दा तम्घासबाट गिरफ्तार गरिएको जिल्ला इन्चार्ज पूर्णबहादुर सिंहले पुष्टि गरेका छन् ।
उनका अनुसार खड्कालाई अपहरण शैलीमा गिरफ्तार गरिएको हो । सरकारले प्रहरी लगाएर राजनीतिक प्रतिशोध सँधेर बिनाकारण गिरफ्तार गरेको भन्दै बिनासर्त खडकालाई तुरुन्त रिहा गर्न ईन्चार्ज सिंहले माग गरेका छन् ।
प्रहरीप्रशासनको हर्कत गलत भएको भन्दै उनले गिरफ्तारप्रति आपत्ति जनाए । खडकालाई निसर्त तत्काल रिहा नगरिए पार्टीले सशक्त प्रतिरोध गर्ने ईन्चार्ज सिंहले अाइतबार एक प्रेस विज्ञप्ति जारी गर्दै चेतावनी दिएका छन् ।
पछिल्लो समयमा सरकारले विप्लव नेतृत्वको नेकपामाथि दमन र धरपकड बढउँदै लगेको छ । शान्तिपूर्ण आन्दोलनमाथि सरकारले प्रतिशोधपूर्ण दमन चलाएको भन्दै रोक्न उसले पनि सरकारसँग माग गर्दै आएको छ ।
