चितवन, ११ फागुन ।
नेपाल कम्युनिस्ट पार्टी निकट राष्ट्रिय थारु मुक्ति मोर्चा नेपाल, चितवनले साविक बछौली–६ मा रहेको जग्गा नियन्त्रणमा लिएर झण्डा गाडेको छ ।
साविक बछौली–६ निवासी राजु चौधरीको एकाघर परिवारका नाम रहेको कि.न. ८. क २७० को जग्गा बिगाहा ०–१४–१ कि.न. ८ क २७१ को ०–२–६ र कि.न. ८ ग २४४ को ०–१२–१६ गरी जग्गा विगाहा १–९.३ क्षेत्रफल भएको जग्गा नियन्त्रणमा लिएको हो ।
उक्त जग्गा टीका कंडेल,केशव लामिछाने र जग्गा दलालले जाल साजी गरी हडप्न खोजेको भन्दै मोर्चाले शनिवार जग्गामा झण्डा गाडेको हो ।
चितवन जिल्ला न्यायिक समितिले दुवै पक्षलाई राखी छलफल गराई निर्णय गरिसकेको अवस्थामा सो निर्णयलाई वेवास्ता गरिएकोले उक्त जग्गाको सम्बन्धीत किसानले न्याय नपाएसम्म उक्त जग्गा विक्रि वितरण गर्न रोक लगाउदै राष्ट्रिय थारु मुक्ति मोर्चा नेपाल, चितवनले नियन्त्रणमा लिएको जनाएको छ ।
उक्त नियन्त्रीत जग्गा खरिद बिक्री र धितो स्वरुप केही नगर्न समेत आग्रह गरेको छ । त्यसलाई वेवास्था गरि कोहि कसैले बिक्रि वितरण गर्न खोजे कार्वाहि गर्ने चेतावनी दिदै सोबाट उत्पन्न परिस्थितीको जिम्मेवार स्वयम हुने मोर्चाले जनाएको छ ।
