पाँचथरको फाल्गुनन्द गाँउपालिकाका प्रमुख तथा साहित्यकार अमरकुमार नेम्बाङको ७७ वर्षको उमेरमा निधन भएको छ। लामो राजनीतिक आन्दोलनको पृष्ठभुमि भएका नेम्वाङको शनिवार निधन भएको हो। लामो सयमदेखि निर्वाचित राजनीतिक नेतृत्व गरेका नेम्बाङको निधनले जिल्लाबासी स्तब्ध भएका छन्।
गाँउपालिकाको केन्द्र पञ्चमी बजारमा क्षमता विकास सम्बन्धि कार्यक्रममा सहभागि हुने क्रममा ढलेका नेम्बाङको उपचारका लागि इलाम पुर्याउँदा निधन भएको हो। मन्तव्य राखेर कुर्सिमा बस्ने क्रममा ढलेका उनी अचेत भएका थिए। उपचारकालागि जिल्ला अस्पताल इलाम पुर्याईएका उनको निधन भएको हो। जिल्ला अस्पताल इलामका मेडिकल सुपरिटेण्डेन डाक्टर पवनजंग रायमाझिले ‘सडेन हर्टअट्याक’ भएको हुन सक्ने देखिएको जानकारी दिए। थप उपचारकालागि काठमाडाैं लैजान हेलिकप्टर प्रबन्ध गरिएपनि उनको मृत्यु भइसकेको थियो।
उनी विसं १९९८ सालमा पौवासारतामा जन्मिएका थिए। नेपाली कांग्रेसबाट पटक पटक तत्कालिन गाविस अध्यक्ष जितेका उनी गाउँपालिका प्रमुखमा निर्वाचित भएका थिए।
