काठमाडौं, २२ माघ ।
नेपाल कम्युनिस्ट पार्टीले उपत्यकाका तीन वटै जिल्लामा ‘संगठन सुदृढिकीकरण तथा विस्तार अभियान–२’ लाई तीव्र पारेको छ ।
पार्टीको उपत्यका विशेष ब्यूरोले आफ्नो जिल्लाहरुमा सो अभियानलाई तीव्र गतिमा अगाडि बढाएको हो । अभियानको प्रभाव निकै बाक्लो परेको अभियानमा सहभागीहरुले जनाएका छन् ।
सोहीक्रममा आजै माज काठमाडौंको नागार्जुन नगरपालिका–८ को घट्टेखोलामा स्थानीय स्तरमा सभा र बैठक सम्पन्न गर्यो । घट्टेखोलास्थित द स्यारोन स्प्रिङ मिनिरल वाटर एण्ड बेभरेज इन्डष्ट्रिजमा एक कमिटी गठन गरेको छ । टोलीमा सहभागीहरुले स्थानीयको घरमा निःशुल्क श्रम समेत गरेको छ ।
प्राप्त समाचार अनुसार रिता गिरीको अध्यक्षतामा ७ सदस्यीय महिला कमिटी गठन भएको छ । सचिवमा स्मृति तामाङ, कोषाध्यक्षमा सुस्मा गिरी, सदस्यहरुमा कौशिला गिरी, सुष्मा गिरी, अमृता गिरी भावना बुढाथोकी छन् । नेता सुरेन्द्र महर्जनको नेतृत्वमा पुगेको अभियान टोलीको पहलमा कमिटी गठन गरिएको पत्रकार जितेन्द्र महर्जले जानकारी दिएका छन् ।
कमिटी गठन सभामा नागार्जुन नगरपालिका सेक्रेटरी महेन्द्र तामाङ, युवा संगठनका कुमारलगायत नेताहरुको उपस्थिति रहेको थियो । ग्रामिण क्षेत्र यस भेगमा टाेलीले पैदल हिंडेर अभियान चलाइरहेकाे छ ।
अभियान बाँकी क्षेत्रमा निरन्तर चल्ने टोलीले जनाएको छ । अभियानबाट स्थानीय उत्साहित भएका छन् । उनीहरुले आफूहरु हरेक सरकारबाट हुने भ्रष्टाचार र दलालीले हैरानी परिरहेको बेला नेकपाले चलाएको अभियान उत्साहित भएको प्रतिक्रिया दिएका छन् ।
