काठमाडौं ।
जनअधिकार अभियान नेपालले डा गोविन्द केसीले उठाएका मागमाथि ऐक्यबद्धता जनाएको छ । विगत लामो समयदेखि चिकित्सा शिक्षा र स्वास्थ्य क्षेत्रको सुधारका लागि बिभिन्न माग राखेर पटक पटक अनशन बस्दै आएका केसीको माग पुरा गर्ने प्रतिबद्धता जनाएपनि सरकारले पुरा नगरेको भन्दै अभियान नेपालले गम्भिर ध्यानाकर्षण भएको जनाएको छ
जनअधिकार अभियान नेपालका अध्यक्ष एकराज भण्डारीले शुक्रवार बिज्ञप्ती निकालेर डा केसीले उठाएका मागलाई सम्बोधन नगरी उहाँको जीवन र मानवअधिकारको रक्षामा देखिएको सरकारी उदासीनताप्रति गम्भिर ध्यानाकर्षण भएको बताउनुभएको छ ।
बलपूर्वक बहुमतका आडमा चिकित्सा शिक्षा विसधेयक पास गरी आफ्नै प्रतिबद्धता विपरीत वार्ता र सम्बादको प्रकृयाबाट समस्या समाधान गर्नेतर्फ नलागेको भन्दै उहाँले वार्ता र छलफलबाट समस्या समाधानगर्नेतर्फ लाग्न सरोकारवालापक्षसँग माग समेत गर्नुभएको छ ।
