११ माघ, काठमाडौं । आमरण अनसनरत डा. गोविन्द केसीले शुक्रवार पत्रकार सम्मेलन गरेर प्रधानमन्त्री केपी शर्मा ओलीको राजीनामा मागेका छन् ।
प्रतिनिधिसभाले चिकित्सा शिक्षा विधेयक बहुमतले पास गरे लगतै पत्रकार सम्मेलन गरि डा. केसीले प्रधानमन्त्री नैतिकताबाट च्यूत भएको भन्दै राजीनामा माग गरेका हुन् ।
प्रधानमन्त्री आफ्नै निर्णयबाट विचलित भएकाले नैतिकताका आधारमा राजीनामा दिनुपर्ने केशीकाे माग रहेकेा उनका सहयोगी जीवन क्षेत्रीले बताए ।
डा. केसी १७ औं दिनदेखि अनसनरत छन् र उनको तर्फबाट क्षेत्रीले नै लिखित वक्तव्य पढेका थिए । आफूसँग भएको सहमति विपरित विधेयक पास भएको भन्दै डा. केसीको विज्ञप्तिमा यो जनतामाथि नै धोका भएको उल्लेख गरिएको छ ।
डा. केसीले अनसन फिर्ता लिएर विधेयक कार्यान्वयन गर्न सरकारले गरेको आग्रहलाई अस्वीकार गरेका छन् र आमरन अनसन कायमै राख्ने बताएका छन् ।
डा. केसीका सहयोगी क्षेत्रीले सबै माग पुराभएको भन्ने सकार र सत्तारुढ दल नेकपाको दाबी खण्डन गरे ।
