म्यानचेस्टर सिटी लिग कप (काराबाओ कप) फुटबलको फाइनलमा प्रवेश गरेको छ ।
सेमिफाइनलको दोस्रो लेग अन्तर्गत गए राति भएको खेलमा बुर्टनलाई १–० ले हराउँदै पेप गार्डिवलाको टिम सिटीले लिग कपको फाइनलमा समग्रमा १०–० को जितसहित स्थान पक्का गरेको हो ।
घरेलु मैदानमा भएको पहिलो लेगमा ९–० को जित निकालेको सिटीले बुधबार राति अवे मैदानमा भएको खेलमा १–० को जित निकालेको हो ।
दुई लेगमा गरेर बुर्टनले १० गोल खाँदा एक गोल पनि फर्काउन सकेन । दोस्रो लेगमा सिटीको जितमा २६ औँ मिनेटमा सर्जियो अग्युरोले गरेको गोल नै निर्णायक बन्यो ।
इएफएल वा लिग कप वा काराबाओ कपको साबिक विजेता सिटीले यो सिजनको उपाधिका लागि आउँदो फेब्रुअरी २४ मा चेल्सी वा टोटनह्यामसँग प्रतिस्पर्धा गर्ने छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
