भ्रष्टाचार निर्मुल पार्ने भन्दै नारा दिईरहेको सत्तारुढ नेकपाका सासदहरु नेपाल वायु सेवा निगमको वाईड बडी जहाज खरीदमा भ्रष्टाचारमा संलग्न देखिए पछि कार्बाहीका लागि सिफारीस भएका पर्यटन मन्त्री रबीन्द्र अधिकारीको रक्षाका लागि उत्रिएका छन् ।
आज भएको सार्वजनिक लेखा समितिको बैठकमा उपसमितिको प्रतिवेदन परिमार्जन हुनु पर्ने भन्दै सत्तारुढ दलका सासद बिशाल भट्टराई,अमनलाल मोदी लगायतकाले निर्दोष पर्न नहुने भन्दै मन्त्रीको बचाउ गर्ने प्रयास गरेका थिए ।
तर काग्रेसका सासदहले भने प्रतिवेदन अगाडी बढाउन माग गरे । विवाद बढे पछि समितिले आगामी सोमबार टुगो लगाउने गरी बैठक स्थगित गरिएको छ ।
प्रधानमन्त्री केपी शर्मा ओलीले जरो समेत अध्ययन गरेर कसैलाई नछोड्ने भन्दै घोषणा गरे पनि एकातिर आयोग बनाएर कार्बाहीको प्रकृया लम्ब्याउनु र अर्कोतिर उनका सासदहरु मन्त्रीको बचाउमा लाग्नुले यसमाथि आशका बढ्न थालेको छ ।
