नेपाल वायु सेवा निगमले खरीद गरेको दुई वटा वाईड बडी जहाज खरीद प्रकृयामा भएको ४ अर्ब ३५ करोड भ्रष्टाचार प्रकरणमा दोषी ठहर गर्दै ससदीय छानविन उपसमितिले लेखा समितिलाई आज कार्बाहीको सिफारीस सहित प्रतिवेदन बुझाएको छ ।
जसमा पर्यटन मन्त्री रविन्द्र अधिकारी , सचिव शंकर अधिकारी, गृह सचिव प्रेम कुमार राई, पुर्व मन्त्रीहरु जीवन बहादुर शाही र जीतेन्द्र देव सहित नेपाल वायु सेवा निगमका महाप्रवन्धक सुगतरत्न कशाकार कार्बाहीका लागि सिफारीसमा परेका हुन् ।
भ्रष्टाचार निमुल पार्ने प्रधानमन्त्री केपी ओलीको पटक पटकको घोषणा के अब आफ्नै कार्यकर्ता तथा पर्यटन मन्त्री रबीन्द्र अधिकारीलाई कार्बाही गरेर देखाउलान त ? प्रतिक्षाको विषय बनेको छ ।
नेपाल वायुसेवा निगम राजनीतिक नेता र कार्यकर्ताको कमाईखाने थलो बन्दा देशको राष्ट्रिय ध्वजा बहाक निगम थला पर्दै गएको छ ।
