काठमाडौं, २४ मंसिर ।
अखिल नेपाल महिला संघ (क्रान्तिकारी)को काठमाडौं जिल्ला नेतृत्वमा पुर्णिमा धामीलाई निर्वाचित भएकी छन् ।
सोमबार काठमाडौंमा सम्पन्न भेलाले धामीलाई जिल्ला अध्यक्षमा निर्वाचित गरेको हो । भेलाबाट धामीको नेतृत्वमा २१ सदस्यीय जिल्ला कार्यसमिति निर्वाचित गरियो । उपाध्यक्षहरुमा सहनी थामी र सन्तोषी महर्जन, सचिबमा करिश्मा खरेल, कोषाध्यक्षमा रिता खड्का तथा सहसचिब कबिता कार्की निर्वाचित भएका छन् ।
भेलाको उद्घाटन नेकपाका केन्द्रीय टेकबहादुर केसी ‘आजाद’ र अखिल नेपाल महिला संघ (क्रान्तिकारी)का अध्यक्ष एवं नेकपाकी केन्द्रीय सदस्य बन्धु चन्दले संयुक्त रुपमा मैनबात्ती बालेर गरेका थिए ।
उद्घाटन सत्रमा विचार राख्दै अध्यक्ष चन्दले महिलाहरुको अधिकारलाई खोस्ने वर्तमान ‘दलाल संसदीय व्यवस्था’ले गरिहरेको बताउँदै वैज्ञानिक सवाजवाद स्थापना नगरेसम्म महिलाको अधिकार ग्यारेन्टी र महिलामाथि हिंसा नरोकिने बताइन् । पुँजीवादी ’दलाल सरकार’लाई विस्थापित गरेर जनताको आफ्नै राज्य राज्य व्यवस्था वैज्ञानिक समाजवादी राज्य व्यवस्था स्थापना गर्ने नेकपाको अभियानमा ठोस सहयोग पुग्ने गरी जिल्ला संगठनहरुले भूमिका निर्वाह गर्न निर्देशन समेत दिइन् ।
त्यस्तै भेलाका अतिथि आजादले महिलालाई पूर्ण रुपमा अधिकारयुक्त बनाउन देशमा एकीकृत जनक्रान्तिको लहर चरिरहेकोले त्यसलाई सफल तुल्याउन आम महिलाहरु एकजुट भएर लाग्नुपर्ने बताए । त्यसको नेतृत्व नेकपाले गर्ने उनले बताए ।
पछि भेला समानपन कार्यक्रममा नेता आजाद र चन्दले जिल्लाको नयाँ कार्यसमितिलाई सफल कार्यकालको लागि बधाई तथा शुभकामना दिएका थिए । नव निर्वाचित कार्यसमितिको प्यानल प्रस्ताव संघका महासचिब धिरेन्द्रा उपाध्याले गरेकी हुन् । उक्त प्रस्ताव भेलाको बन्दसत्रले सर्वसम्मत पारित गरेको थियो ।
तस्बीरः फेसबुक पेज
