पोखरा । नेकपा (क्रान्तिकारी माओवादी) निकटको क्रान्तिकारी पत्रकार महासंघ चार नम्बर प्रदेश भेलाले गोपाल जिसिको अध्यक्षतामा सात सदस्यीय कमिट निर्वाचित गरेकेा छ ।
नेपाल पत्रकार महासंघको सभा हलमा सम्पन्न भेलाबाट जिसिको अध्यक्षतामा एक सदस्य पछि थप्नेगरी सात सदस्यीय प्रदेश कमिटी निर्वाचित भएको हाे ।
अध्यक्षमा निर्वाचित पत्रकार जिसि तत्कालिन माओवादी जनयुद्धकालदेखि नै जनपक्षीय पत्रकारीताका क्षेत्रमा सकृय रहँदै आएका छन् । उनि हाल नवदृष्टि डटकममा सम्पादकका रूपमा कार्यरत छन् ।
त्यसैगरी प्रदेश कमिटीको सदस्यमा निर्वाचित सञ्जय तिवारी वर्गदृष्टि साप्ताहिकमा, राजेन्द्र सुवेदी हरपल नेपाल डटकममा, निर्मल पौडेल रेडियो कुशुममा, शोभा जिसी दाउन्ने साप्ताहिकमा र सुमन विश्वकर्मा रेडियो बुर्तिवाङमा कार्यरत रहेका छन् ।
कार्यक्रममा क्रान्तिकारी पत्रकार महासंघका अध्यक्ष इन्द्र राउतको प्रमुख आतिथ्यता तथा पार्टीका पोलिट व्यूरो सदस्य एवं प्रदेश सेक्रेटरी श्याम र देजमो प्रदेश सेक्रेटरी केस बहादुरको विशेष आतिथ्यता रहेको थियो ।
त्यसैगरी उक्त कार्यक्रममा पार्टीका केन्द्रीय सदस्य निश्चल, कास्की सेक्रेटरी कर्ण, संगठनका सचिव रामकुमार, कार्यालय सदस्य लोकेश लगायतको आतिथ्यता रहेको थियो ।
कार्यक्रममा ५० भन्दा बढीको सहभागिता रहेको थियो । कार्यक्रम राजेन्द्र सुवेदीले सञ्चालन गरेका थिए ।
