कालिकोट, १९ मंसिर ।
नेपाल कम्युनिस्ट पार्टी कालिकोट जिल्लाद्वारा आयोजनामा सदरमुकाम मान्मामा विशाल जनसभा चलिरहेको छ । जनसभामा जिल्लाका कुनाकुनाबाट जनसागर उर्लिएको छ ।
जनसभाका प्रमुख अतिथि नेकपा प्रवक्ता प्रकाण्ड रहेका छन् । अहिले कालिकोट जिल्ला ईन्चार्ज रणबीरले स्वागत मन्तव्य राखिसकैका छन् । ईन्चार्ज रणवीरले वर्तमान दलाल संसदीय व्यवस्था ध्वस्त पारेर जनताको सत्ता वैज्ञानिक समाजवाद स्थापना गर्न नेकपाको नेतृत्वमा मुलुकमा एकीकृत जनक्रान्तिको लहर चलिरहेको बताए ।
क्रान्तिप्रति श्रमजीवि तथा मजदुर, गाउँशहर र मध्यम वर्गको साथ समर्थन बढ्दै गइरहेको जनाउँदै दलालहरुलाई बस्तीबस्तीबाट खेद्ने र अपराधी, राष्ट्रघातीलाई कारवाही गर्ने क्रम नेकपाको नेतृत्वमा जनताले जारी राखेको बताए ।
जनसभामा सामना साँस्कृतिक परिवारले जनवादी गीत प्रस्तुत गरेको छ । जनसभामा प्रवक्ता प्रकाण्डलाई कालीकोटका ५ सय ५ै सहिद परिवारसहित कोलिकोटवासीको तर्फबाट फूलको मालासहित भव्य अभिनन्दन गरिएको छ । प्रकाण्डले जनसभालाई केहीबेरमै सम्बोधन गर्दैछन् । ग्रामीण क्षेत्रबाट जुलुस जनसभास्थलमा आइपुग्ने क्रम जारी छ ।
हजारौं संख्यामा टाढाबाट युवायुवती, महिला, विद्यार्थी, वृद्धवृद्धाहरु स्वफूर्त रुपमा जनसभामा आजै प्रकाण्डले सहिद पपरिवारलाई भेट् गर्ने कार्यक्रम रहैको आयोजकले जनाएको छ । जनसभालाई युवा टीमले विशेष सुरक्षा दिइरहेको छ ।
