काठमाडौं, १७ मंसिर ।
नेपाल कम्युनिस्ट पार्टीलै बलात्कारपछि हत्या गरिएका बालिका निर्मला पन्तको हत्यारा पत्ता लगाउने र कारवाही गर्ने काम सरकारलै नसकेको जनाउँदै अब त्यो काम जनसरकारले गर्ने बताएको छ ।
आइतबार नेकपाले देशव्यापी रुपमा बालिका निर्मलाको हत्यारा खोजी गरेर कठघरामा उभ्याउन माग गर्दै गरिएको विरोध प्रदर्शन गरेको छ । सोही क्रममा नेकपा कञ्चनपुरले विरोध र्यालीपछि महेन्द्रनगरमा आयोजित ‘निर्मला पन्तको न्यायका लागि जनसभा’मा बोल्दै नेकपाका पोलिटब्यूरो सदस्य ओमप्रकाश पुनले ओली नेतृत्व ‘दलाल संसदीय ससकार’ले निर्मलाको हत्यारा पत्ता लगाउन नसक्ने बताए । हत्याका दोषीलाई सरकारमा बस्नेहरु जोेगाइरहेको विचार राख्दै दोषीलाई अब जनसकारले गर्ने बताए ।
‘बालिका निर्मला पन्तको हत्यारा पत्ता लगाउने काम सरकारले नसक्ने कुरामा नागरिक प्रष्ट भएका छन् । अब पत्ता लगाउने र जनतामाझ् ल्याएर कारवाही गरेर देखाउने जनसरकारले गर्छ’ नेता पुनले भने ‘दलाल सत्ताको बेला ५० वर्षसम्म मिलाउन नसकेको मुद्दा जनयुद्धका बेला २ घण्टामा मिलाएको र बीसौं वर्षसम्म पत्ता लगाउन नसकेका अपराधी दुई घण्टामा पत्ता लगाएको अनुभव हामीसँग छ ।’
दोषी खोजी गर्ने काम नेकपाले थालिसकेको र यसमा सहयोग गर्न भन्दै उनले सुरक्षाकर्मीसँग अपिल समेत गरे । घटनाका बेला खटिएका सुरक्षाकर्मीलाई दोषी कहाँ छन् ? को हुन् ? भन्ने जानकारी पाएरपनि लुकाउन बाध्य पारिएको भएको नेता पुनको भनाई थियो । ‘दलाल सरकारको काम भनेको सक्कलीलाई छाडेर नक्कली दोषी खडा गर्ने र सोझा नागिरकलाई खाल्डोमा पार्ने षडयन्त्र हौ । त्यसको डटेर प्रतिवाद गर्न सबै एकजुट हुनुको विकल्प छैन ।’
नेकपाले जनपरिषद् गठन गरेर जनयुद्धका बेला जनसत्ताले गर्ने गरेको गाउँबस्तीमा कामकारवाही गर्दै आइरहेको छ ।
