काठमाडौं मंसिर १० ।
सहिद स्मारक ए डिभिजन लिगको चौथो चरण आज सुरु हुदैछ । चौथो चरणको पहिलो दिन आज ३ खेल हुनेछन् ।
ललितपुरको सातदोबाटोस्थित एन्फा कम्प्लेक्सको मैदानमा बिभागीय त्रिभुवन आर्मी र संकटा क्लब तथा थ्रीस्टार र एनआरटीबीच प्रतिस्पर्धा हुनेछ ।
काठमाडौंको हल्चोकस्थित एपीएफ मैदानमा विभागीय नेपाल पुलिस र च्यासल युथ क्लब भिड्ने छन् । सातदोबाटोमा बिहान ११ बजे त्रिभुवन आर्मी्बिरुद्ध मैदान उत्रदा संकटा, सतप्रतिशत नतिजाको खोजीमा रहनेछ ।
३ खेलको समाप्तिमा उसको ९ अंक छ । तालिकाको चौथो स्थानको आर्मी पनि पहिलो स्थानको मनाङ मस्र्याङ्दी, दोस्रो स्थानको संकटा र तेस्रो स्थानको हिमालयन शेर्पा क्लबलाई पछि पार्दै शीर्ष स्थान ओगट्ने दाउमा हुनेछ ।
तीन खेलको समाप्तिमा आर्मीले २ मा जित र एकमा बराबरी गरेको छ । सोहि मैदानमा दिउसो साढे २ बजे हुने खेलमा पाचौ स्थानको थ्रीस्टारले १२ औं स्थानको न्युरोड टिम एनआरटीसंग प्रतिस्पर्धा गर्नेछ ।
पछिल्लो खेलमा मनाङसंग पराजित थ्रीस्टार तेस्रो जितसंगै तालिकामा फड्को मार्ने दाउमा छ । थ्रीस्टारको ६ अंक छ । एक अंक रहेको एनआरटी भने पहिलो जितको खोजीमा छ ।
सोहि समय हल्चोकस्थित एपीएफ मैदानमा बिभागीय पुलिसले च्यासल युथ क्लबको सामना गर्नेछ । समान चार अंक भएका दुबै टोली दोस्रो जित निकाल्दै तालिकामा सुधार गर्ने लक्ष्यमा रहेका छन् ।
