काठमाडौं, ८ मंसिर ।
नेकपाका सल्लाहकार समितिका सचिव चित्रबहादुर आले ‘पवन’ले भ्रष्टाचारमा चुर्लुम्म डुबेको केपी–प्रचण्ड सरकारले नेपाली जनताको क्रान्तिकारी पार्टी नेकपाको शक्ति र परिवर्तनको एजेण्डा देखेर जनतासँग तर्सेर जनसभाको लागि ठाउँ नदिएको भन्दै भत्सर्ना गरेका छन् ।
जनसभाको अध्यक्षता गर्दै छोटो मन्तव्य राख्दै सचिव पवनले जनतालाई सभा गरेर आफ्नो कुरा राख्न समेत नदिएर फासीवादी बनेको पुष्टि भएको बताए । ‘जनतालाई सभा गर्ने ठाउँसमेत नदिई यो सरकार फासीवादी भएको पुष्टि भएको छ’ उनले भने अब सरकारको भविष्य सकिन सुरुभएको छ । कसैले रोक्न सक्दैन ।’
अब उपत्यकाका जनता उठ्न ढिला गर्न हुँदैन । गाउँबाट जनता अधिकारका लागि जागिसकेको र अब शहरका नागरिक निद्राबाट उठ्न जरुरी भएको उनको भनाई छ ।
अहिले पोलिटब्यूरो सदस्य पदम राई ‘विकास’ले स्वागत मन्तव्य राखिराखेका छन् । जनसभाका प्रमुख अतिथि नेकपा स्थायी समिति सदस्य एवं प्रवक्ता प्रकाण्ड रहेका छन् ।
