धादिङ, ३ मंसिर ।बोक्सी को आरोप मा धादिङमा फेरि वृद्ध माथी कुटपिट भएको छ । सिद्धलेक–४ गौंथलेमा एक वृद्धामाथि बोक्सी आरोपमा कुटपिट र दुर्व्यवहार गरिएको हो । कुटपिटबाट उनी गम्भीर घाइते भएकी छिन ।
स्थानीय ७३ वर्षीया एकल वृद्धा सेतीमाया लायो मगरलाई मलमुत्र खुवाई दुर्व्यवहार र निर्घात कुटपिट गरिएको हो। गम्भीर घाइते रहेकी उनलाई थप उपचारका लागि काठमाडौंको स्टार अस्पतालमा भर्ना गरिएको छ।
गत कार्तिक २८ गते साँझ ७ बजे ३ जना धामी र एक सैनिक जवान मिलेर उनलाई बोक्सी आरोपमा मलमुत्र खुवाई निर्घात कुटपिट गरिएको पीडितका आफन्तले बताए।
कुटपिटमा संलग्न चारै जनालाई जिल्ला प्रहरी कार्यालय धादिङले पक्राउ गरेको छ। प्रहरीका अनुसार घटनामा संलग्न सेनाका जवान मगरले भाग्ने प्रयास गरे पनि प्रहरीको सक्रियतामा उनलाई पक्राउ गरिएको छ। पीडित परिवारका अनुसार घाइते लायोलाई गोबर र दुबो समेत खुवाइएको थियो।
