१२ कात्तिक, काठमाडौं । निर्माण व्यवसायी महासंघका तत्कालिन अध्यक्ष शरदकुमार गौचनको हत्यामा संलग्न ३ जना ‘कन्ट्रयाक्ट किलर’लाइ पक्राउ गरी प्रहरीले अाज सार्वजनीक गरेकेा छ। महानगरीय अपराध अनुसन्धान महाशाखाको विशेष टोलीले यही साता भारतको सिक्किमबाट उनीहरूलार्इ पक्राउ गरेको हो ।
पक्राउ पर्नेमा गौचन हत्याका ‘मास्टरमाइन्ड’ समिरमान सिंह बस्न्यात समूहका सुटर उदयपुरका अमरबहादुर राना, बिर्तामोडका लोप्साङ लामा र नागार्जुनका रोशन बुढाथोकी रहेका छन् । उनीहरुलाई नेपाल ल्याएर अाजअपरान्ह महाशाखामा पत्रकार सम्मेलन गरी सार्वजनिक गरिएको छ । प्रहरीले भने उनीहरूलार्इ काँकरभिट्टामा समातेको दाबी गरेको छ ।
गौचनको विसं २०७४ असोज २३ गते दिउँसो बानेश्वरमा गोली हानी हत्या भएकाे थियाे ।
महाशाखाले आजै पत्रकार सम्मेलन गरी युवा सङ्घ रुपन्देहीका अध्यक्ष दुर्गा तिवारी र गौचन हत्यामा संलग्नलाई पक्राउ गरेको जानकारी दिएको छ । पत्रकार सम्मेलनमा महाशाखाका प्रमुख एवं प्रहरी वरिष्ठ उपरीक्षक धीरजप्रताप सिंहले गौचनको हत्याका सुटरको रुपमा अम्बरबहादुर राना र तिवारीको हत्याको सुटरका रुपमा लोप्साङ रहेको अनुसन्धानमा खुलेको जानकारी दिनुभयो । “विसं २०७३ चैतमा काठमाडौँ बौद्धस्थित दिव्य पार्टी प्यालेसको जिम क्लबअगाडि दावा लामालाई गोली प्रहार गर्नेसमेत अम्बरबहादुर राना नै रहेको अनुसन्धानमा खुलेको छ,”उहाँले भन्नुभयो ।
लामा र गौचनको सुटर राना विस २०७२ मा कालीध्वज गण, इलामबाट नेपाली सेनाका भगौडा सिपाई रहेको महाशाखाले जनाएको छ । यी तीनैजना कारागारमा रहेका समिरमानसिंह बस्नेत र प्रहरी मुठभेडमा मारिएका मनोज पुनको निर्देशनमा विभिन्न समयमा हत्या र ज्यान मार्ने उद्योगमा संलग्न रहेको महाशाखाले जनाएको छ ।
प्रहरीले यसअघि घटनामा संलग्न रहेको भन्दै ११ जनालाई पक्राउ गरेपनि मुख्य सुटर भने पक्राउ गर्न सकेको थिएन । पक्राउ परेका तीनैजनालाई मङ्गलबार (भोलि) काठमाडौँ जिल्ला अदालतमा बुझाइने महाशाखाले जनाएको छ ।
पत्रकार सम्मेलनमा अपराध महाशाखाका प्रमुख एसएसपी धिरजप्रताप सिंहले तीन सुटर पक्राउ परेपछि हाललाई ठूलो हत्या योजना टरेको बताउनु भयाे ।
गौचनमाथि गोली प्रहार गर्ने अमर ०७२ सालमा इलामको कालिध्यज गणबाट भागेका भगौडा सेना हुन् । उनले गौचनसहित २९ चैत ०७३ मा बोद्धस्थित दिव्य पार्टी प्यालेसमा अर्का गुन्डा नाइके दावा लामालाई गोली प्रहार गरी घाइते बनाएका थिए । लामालाई केही अघि भारतीय प्रहरीले पक्राउ गरेको छ ।
गौचन हत्यामा प्रयोग भएका अर्का सुटर श्याम गोम्बेसँगै सेनाबाट भागेर आएर अमर कलंकी बस्दै आएको थिए । त्यहीबेला उनी समिरमानको निकट पुगेका थिए ।
झापाको बिर्तामोडका ४० वर्षीय लोप्साङले रुपन्देहीमा एमाले नेता दुर्गा तिवारीलाई ‘सुट’ गरेका थिए । समीरमान र ९ फागुनमा रुपन्देहीमा प्रहरी इन्काउन्टरमा मारिएका गुन्डा नाइके मनोज पुनको निर्देशनमा उनले तिवारीको हत्या गरेका थिए ।
रोशन भने व्यापारीको रेकी गर्नेदेखि अन्य व्यवस्थापनको काममा संलग्न भएको प्रहरीको दाबी छ । ३० फागुनमा गौशालामा गुन्डा नाइके गणेश लामामाथि गोली रोशनले गोली प्रहार गरेको महाशाखाले आँकलन गरेको थियो ।
यद्यपि, रोशनले यो अभियोग स्वीकार गरेका छैनन् ।त्यसवेला लामालाई काठमाडौं प्रहरी परिसरको टोलीले पेस्तोलसहित पक्राउ गरेको थियो । ७ महिना कैद सजाय भुक्तान गरेका लामा दशैंअघि मात्र जेलबाट छुटेका थिए ।
गौचन हत्याका योजनाकार समिरलाई प्रहरीको केन्द्रीय अनुसन्धान ब्यूरो (सीआईबी) ले मंसिर दोस्रो साता भारतको गोवामा पक्राउ गरी नेपाल ल्याएको थियो ।
सुरुमा नख्खु कारागारमा राखिएका उनले जेलबाटै हाइप्रोफाइल व्यक्तिको हत्या योजना बनाइरहेको गुप्तचर निकायले सूचना पाएपछि उनलाई मुस्ताङ कारागार सरुवा गराइएको थियो । तर, इन्काउन्टर गर्न खोजिएको दाबी गर्दै बस्न्यातकी श्रीमती माया शेरचनले सर्वोच्च अदालतमा रिट हालेपछि फेरि काठमाडौं ल्याइएको छ र हाल केन्द्रीय कारागार गोलघरमा छन् ।
हरीको दाबी अनुसार समिरलाई मुस्ताङ पठाउनको औचित्य अहिले आएर पुष्टि भएको छ । सोमबार सार्वजनिक गरिएका तीनै जनाले अपराध महाशाखाका अधिकारीहरु समक्ष समिरले कारागारभित्रैबाट आफूहरुलाई रकम पठाएको स्वीकार गरेका छन् ।
