काठमाडौँ, १२ कात्तिक ।
पूर्वअर्थमन्त्री डा बद्रीप्रसाद श्रेष्ठको पुल्चोकस्थित निदान अस्पतालमा निधन भएको छ । पिसाबसम्बन्धी समस्याबाट पीडित ८७ वर्षीय डा श्रेष्ठको उपचारका क्रममा मृत्यु भएको उहाँका भानिज दिनेश श्रेष्ठले जानकारी दिनुभयो ।
अर्थशास्त्री डा श्रेष्ठले राष्ट्रिय योजना आयोगको सदस्य, उपाध्यक्ष, राष्ट्रिय पञ्चायत सदस्य तथा जापानका लागि नेपाली राजदूतका रुपमा सेवा गर्नुभएको थियो । उहाँका श्रीमती, एक छोरा र दुई छोरी छन् । उहाँका भानिज श्रेष्ठका अनुसार स्वर्गीय श्रेष्ठको दाहसंस्कार बुधबार पशुपति आर्यघाटमा गरिनेछ ।
राजा ज्ञानेन्द्रको समेत आफ्नो प्रत्यक्ष शासनकालमा डा. श्रेष्ठ अर्थमन्त्री रहनुभएकाे थियाे । राजा ज्ञानेन्द्रले शासन व्यवस्था आफ्नो हातमा लिएको समयमा वरिष्ठ अर्थशास्त्री डा. बद्रीप्रसाद श्रेष्ठलाई विश्वविद्यालयका प्राध्यापकबाट अर्थमन्त्री बनाउनुभएकाे हाे । नेपालको अर्थ ब्यवस्थाको पूर्व ज्ञाता रहेका डा श्रेष्ठको निधनले नेपालले वरिष्ठ एवं एक राम्रा अर्थशास्त्री गुमाएको छ ।
