काठमाडौं । नेपालले साफ यु–१५ च्याम्पियनसिप फुटबलमा विजयी सुरुवात गरेको छ ।
ललितपुरको सातदोबाटोस्थित एन्फा कम्प्लेक्समा भएको खेलमा नेपालले माल्दिभ्सलाई ४–० ले पराजित गरेको हो । नेपालको जितमा जान लिम्बु, नमस थापामगर, सशांक बोहरा र दिपेश राईले एक एक गोल गरे ।
सुरुवातदेखि नै माल्दिभ्समाथि दबाब बनाएको नेपालले खेलको २८ औं मिनेटमा अग्रता लियो । नेपालका खेलाडीलाई माल्दिभ्सका डिफेन्डर नबुहान मोहमेदले डिबक्सभित्र फल गरेपछि पाएको पेनाल्टीमा गोल गर्दै जान लिम्बूले अग्रता दिलाएका थिए ।
खेलको ३८ औं मिनेटमा नमस थापामगरले अग्रता दोब्बर पारे । पहिलो हाफमा २–० ले अघि रहेको नेपालले दोस्रो हाफमा पनि २ गोल ग¥यो । नेपालका लागि सशांक बोहराले खेलको ६३ र दिपेश राईले ७० औं मिनेटमा गोल गर्दै नेपालको जित सुनिश्चित गरे ।
त्यस्तै, बिहीबार नै भएको अर्को खेलमा पाकिस्तानले भारतलाई २–१ गोलअन्तरले पराजित गरेको छ ।
प्रतियोगितामा आयोजक नेपालसहित ६ राष्ट्रको सहभागिता रहेको छ । समूह ए मा आयोजक नेपालसँगै बंगलोदश र माल्दिभ्स रहेका छन् । समूह बी मा भने भारत, भुटान र पाकिस्तान रहेका छन् ।
