सिकुवामा बसेर
पर्खिरहेकी एउटी बृध्दा महिलाले भन्नुभयो
‘बाबू, यो हाम्रो घर हो !’
तिर्खाएको स्वरमा मैले भने –
‘हो आमा, म घर फर्की आएँ !’
आमाका सहस्र खुसीहरू जमिनभरि पोखिए
र रून्चे स्वरमा भन्नुभयो
‘तँ आइस् र त हाम्रो घरमा नि दशैँ आयो !’
……………..

सायद,
देह गुनाको फर्सी भनेझैँ
राता हुन् या सेता
टाँसिएका अक्षता र जमरा त
भेटघाटका फगत् दसी-प्रमाणहरू हुन् !
दशैँ भन्नु नै,
विछोडिएका मनहरूको पुनर्मिलन पो रहेछ !

***********
२०७५ असोज ०२
प्रथा