चितवन । नेपाल कम्युनिस्ट पार्टीै निकट योङ रेड फोर्स चितवनको जिल्ला भेला सम्पन्न भएकाे छ। भेलाले किरणको नेतृत्वमा २१ सदस्यीय समिति चयन गरेको छ ।
भेलाको उद्घाटन कार्यक्रमलाई सम्बोधन गर्दै प्रमुख अतिथि योङ रेड फोर्स नेपालका महासचिव पाटनले सरकारले युवाहरूलाई खाडीमा पठाएर डलर पचाउन पल्केको बताउनु भयाे ।
कार्यक्रममा बोल्दै नेपाल कम्युनिस्ट पार्टीका चितवन जिल्ला ईन्चार्ज लाल बहादुर बिसीले ट्याक्सको नाउँमा दलाल संसदीय व्यवस्थाको सरकारले जनतालाई दास र नोकर बनाउने दुस्साहस गरे त्यसको प्रतिरोध जनताले गर्ने चेतावनी दिनुभयाे ।
यसैगरी चितवन जिल्ला सेक्रेटरी धु्रुवले पनि स्वागत गर्दै यो देशको रक्षा अब युवाहरूको हातमा आएको भन्दै सहिदको सपना र जनताको भरोसा पूरा गर्न पनि युवाहरुलाई आह्वान गर्नुभयाे ।
योङ्ग रेड फोर्स नेपाल चितवनका संयोजक किरणले जनताकाे अधिकारका लागि हटेर हैन अब डटेर लडने प्रतिबद्वता जनाउदै भन्नुभयाे, भासन र कासन हैन अब जनतालाई परिणाम चाहिएको छ ।
उहाँले देशद्रोही भ्रष्टाचारि दलाल भुमाफिया र समाजिक दलाल हरुको सफाया गर्न अब तयार रहन आग्रह गर्नु भयो राष्ट्रिय स्वाधीनता र जनताको हकाधिकारको लागि कुनै पनि परिस्थिति मा पछि नहट्ने र एकीकृत जनक्रान्ती र बैज्ञानिक समाजवाद स्थापना गर्नको लागि योङ्ग रेड फोर्स बलिदान दिन पनी पछि नहट्ने प्रतिबद्ध ब्याक्त गर्नु भयो।
