काठमाडौं, २१ असोज । मलेसियामा जारी आईसीसी ट्वेन्टी–ट्वेन्टी विश्वकप अन्तर्गत एसियाली समूह बी को छनोटमा नेपालले आज थाईल्याण्डसँग खेल्दैछ ।
तीन खेलबाट ५ अंकसहित समूहको शीर्ष स्थानमा रहेको थाईल्याण्ड विरुद्ध नेपालले सहज जित हात पार्ने अपेक्षा गरिएको छ ।
यो खेल जितेको खण्डमा नेपाल तीन खेलबाट ६ अंक जोड्दै शीर्ष स्थानमा उक्लिनेछ ।
प्रतियोगितामा शानदार प्रदर्शन गरिरहेको नेपाल प्रतियोगितामा लगातार तेस्रो जितको खोजीमा छ ।
यसअघि हिजो भएको खेलमा नेपालले आयोजक मलेसियालाई ८ विकेटले पराजित र्गयो ।
मलेसियाले दिएको १ सय १ रनको लक्ष्य नेपालले खेलमा ४५ बल बाँकी छँदै २ विकेट गुमाएर पुरा र्गयो ।
कप्तान पारस खड्काले ५२ रन बनाएको ईनिङ्समा उपकप्तान ज्ञानेन्द्र मल्लले २७ रन जोडे ।
यसअघि टस जितेर पहिले व्यटिङ गरेको मलेसियाले १९ दशलमव ३ ओभरमा अलआउट हुँदै सय रन मात्रै जोडेको थियो ।
मलेशियाको व्याटिङ ध्वस्त पार्ने क्रममा नेपालका सन्दिप लामिछानेले ५ विकेट लिए ।
४ ओभर बलिङ गरेका लामिछानेले २० रन दिँदै ५ विकेट लिएका हुन् ।
